🍁माणुसकी🍁
माणसाने माणसाला ओळखायला हवं
असला जरी गरीब तरी विचारायला हवं
माणुसकीच्या नात्याने मन जपायला हवं
भावनेत वाहून थोडं रडायला हवं
सुखात हसून दुःख पचवायला हवं...
माणसाने माणसाला ओळखायला हवं
दिसण्यापरी सुंदर मन असायला हवं
प्रेमात सार विसरून जगायला हवं
कधी कधी थोडं फार भांडायला हवं
भांडणं सारी विसरून नातं जपायला हवं...
माणसाने माणसाला ओळखायला हवं
चुकत असेल कुणी तर थोडं रागवायला हवं
मदतीला नेहमी धावून जायला हवं
भुकेल्याला अन्न नेहमी मिळायला हवं
प्रगतीच्या वाटेत मागे वळून पहायला हवं
माणसाने माणसाला ओळखायला हवं...
